На овој начин се создаваат нови образовни и научни патишта за создавање уште попрецизни методологии при библиографските описи на периодичните извори, но и се поттикнуваат читателите да градат истражувачки и критички пристап кон наративите за минатото, особено за улогата на жените во македонското минато. Тоа значи дека жени кои досега во најголем дел и од одредени причини биле маргинализирани или целосно непознати во наративите за националното минато сега се ставаат во заеднички контекст.“ - Ивана Хаџиевска и Јана Коцевска, од Воведот на „Архиви на невидливите“.
1. Мијаковска, Марина. (2021). „Библиографија: библиографски опис на „Илустрација Илинден“, „Луч“ и „Смена““. Во Архиви на невидливите: Жените во печатот од Вардарска Македонија помеѓу двете светски војни, ур. Ивана Хаџиевска и Јана Коцевска, 105-119. Скопје: ЦИНИК
Библиографии
„Иако библиографиите главно се користат како сувопарни помагала или информациски средства во академските истражувања, ние сметаме дека тие може да се замислат и да се користат и како „детективски приказни“, коишто нудат траги за откривање на „случаи“, т.е. конструирање микроистории за жените од македонското минато за кои знаеме само делови од приказната.
Центарот за истражување на национализмот и културата е формиран се цел да понуди дополнителен интелектуален простор и експертиза во полето на студиите на национализмот, во општество каде ова поле се соочува со недостаток на научно внимание и институционална поддршка.
